Loksins er liðið komið þar sem það á heima. Liðið rúllaði hreinlega fyrstu deildinni upp og þrátt fyrir að það kvarnaðist nokkuð úr leikmannahópnum á lokakaflanum kom það ekki að sök. Framhaldið verður forvitnilegt.

Skagamenn vinna Íslandsmótið í fimmta skipti. Skondið kærumál kom þó upp eftir einn leik liðsins. Svo fór að kærunni var vísað frá og bikarinn afhentur röskum sex mánuðum eftir að hann vannst.

Það er oft sagt að erfitt sé að vinna deildarkeppnina tvö ár í röð og fáum liðum hefur tekist það. Það var því stórt skref þegar þriðji meistaratitillinn var í höfn. Hörður Helgason stjórnar liðinu þetta leiktímabil.

Guðjón Þórðarson tók við þjálfun Akranesliðsins við lok feril síns sem leikmaður og var það upphafið að mögnuðum þjálfaraferli hans. Ljóst var að kynslóðaskipti eru að verða og að næstu ár færu í uppbyggingu.

Skagamenn byrja tímabilið á að vinna deildarbikarkeppnina í þriðja sinn. Liðið er í toppbaráttu án þess þó að blanda sér verulega í titilbaráttuna en vinnur bikarkeppnina í úrslitaleik gegn FH.